نـسيتك

حقا نسيتك

تمت معالجتى من ادمانك

بالرغم من أننى أحيانا أكتب اسمى وأنا أسجل دخول فى المدونة

وأنسى أن أكتب كلمة السر وأسجل دخول فقط بالايميل ثم يحذروننى أننى ربما أخطأت فى شئ ما

وأعود لأكتشف نفس الخطأ يتكرر أمامى

ولكننى حقا نسيتك

وبالرغم من أننى كل يوم أتاكد هل أنت موجود أو لا ... وأبحث عن البرامج التى تكشف الاوف لاين

وعن المواقع لاتأكد فقط من وجودك أو عدمه

ولكننى حقا نسيتك

بالرغم من أننى ربما فتحت ثلاجتنا عدة مرات ليس بأى غرض يذكر ولكن لتوهانى كالمعتاد

ولكننى متأكدة أننى نسيتك

بالرغم من أننى لا يمر وقت ولا أسمع فيه أغينة سمعناها معاً أو أجلس فى مكان جلسنا فيه سوياً

الا أننى نسيتك حقاً

وبالرغم من فتحى لصورك كل مساء لكى أريح قلبـ♥ـي المسكين فقط مما يتحمله من أسى

فكن على يقين بأننى نسيتك

بالرغم من انتظارى لك بلا هدف محدد سوى رؤيتك وسؤالى عنك وعن أحوالك

فأنا على ثقة أننى نسيتك

بالرغم من كل ذلك إلا أننى أود حقاً وبشدة أن أكون

نسيتك ..... نسيتك ........ نسيتك

بدايتى هنا

السلام عليكم

اول مرة اعمل مدونة واول مرة هتكلم عن نفسى بجد ... طبعا ولا عندى اى خبرة ولا بتنجان فى حكاية المدونات

اكيد لسة بدرى عليا على ما اتعلم

لا وسبحان الله على الفيس انا من مدة ويوم ما اقرر اعمل مدونة

الاقى ناس من ال كنت بقرا لهم فى مدونات بيكتبوا ايه واحنا دلوقتى على الفيس بقينا مدمنين

ونشاطاتهم فى المدونات قلت خالص

يعنى انا يوم ما ربنا يفتح عليا الاقيهم نقلوا وبقوا هناك

عموما انا حبيت اكون هنا واكون هناك على الرغم من انى عايزة اكون هنا اكتر

المدونة دى هتبقى عبارة عن احاسيس متلخبطة ودة كان هيبقى اسمها ولكن تم التعديل فى اخر لحظة الى فراولاية

وهعتبرها مكان لوحده كدة بفضفض فيه بكل حاجة

واموت الحاجات الوحشة اللى مقدرتش اموتها فى حياتى الحقيقية بعيدا عن تخيلات النت

ياريت لو حد يدينى من خبرته فى التدوين بما انى لسة مبتدئة

...